ਕੀ ਤੁਹਾਡੀਆਂ ਮੁਸੀਬਤਾਂ ਦਾ ਕਾਰਨ ਗੁਰੂ ਗ੍ਰਹਿ ਦੋਸ਼ ਤਾਂ ਨਹੀਂ, ਜਾਣੋ ਇਸਦੇ ਲੱਛਣ ‘ਤੇ ਉਪਾਅ..! Guru Dosh

1. ਪਰਿਵਾਰਕ ਜੀਵਨ ਵਿਚ ਅਸਫਲਤਾਵਾਂ ਮਿਲਣਾ ਗੁਰੂ ਗ੍ਰਹਿ ਦੋਸ਼ ਦਾ ਕਾਰਨ ਹੈ। ਇਸ ਨਾਲ ਵਿਆਹ ਵਿਚ ਅੜਚਣਾ ਆਉਣਾ, ਪਤੀ ਪਤਨੀ ਵਿਚ ਅਣਬਣ ਹੋਣਾ ਆਦਿ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ।
2. ਗੁਰੂ ਦੋਸ਼ ਤੋਂ ਪ੍ਰਭਾਵਿਤ ਬਾਲਕ ਦੀ ਪੜ੍ਹਾਈ ਵਿਚ ਰੁਕਾਵਟਾਂ ਬਣਦੀਆਂ ਹਨ, ਜਿਵੇਂ ਸਿਹਤ ਦੀ ਖਰਾਬੀ, ਸੱਟਫੇਟ ਲੱਗਣਾ, ਪੜ੍ਹਾਈ ਤੋਂ ਮਨ ਉਚਾਟ ਹੋਣਾ, ਮਾਂ ਬਾਪ ਦੀ ਆਰਥਿਕ ਮੰਦਹਾਲੀ ਆਦਿ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ, ਜਿਸ ਕਾਰਨ ਅਜਿਹਾ ਬਾਲਕ ਘੱਟ ਸਿੱਖਤ ਰਹਿ ਜਾਂਦਾ ਹੈ।
3. ਲਗਭਗ ਹਰ ਕੰਮ ਵਿਚ ਅਸਫਲਤਾ ਮਿਲਣਾ, ਲਗਾਤਾਰ ਮਿਹਨਤ ਦੇ ਬਾਵਜੂਦ ਵੀ ਫਲ ਦੀ ਪ੍ਰਾਪਤੀ ਨਾ ਹੋਣਾ।
4. ਚਰਿੱਤਰ ਵਿਚ ਮਾੜੀਆਂ ਆਦਤਾਂ ਪੈਦਾ ਹੋਣੀਆਂ। ਜਿਵੇਂ ਵੱਡਿਆਂ ਸਤਿਕਾਰ ਨਾ ਕਰਨਾ, ਸ਼ਰਾਬ ਜੂਏ ਵਰਗੀਆਂ ਮਾੜੀਆਂ ਆਦਤਾਂ ਆਦਿ ਇਨਸਾਨ ਵਿਚ ਪੈਦਾ ਹੋ ਜਾਂਦੀਆਂ ਹਨ।
5. ਗੁਰੂ ਦੋਸ਼ ਕਾਰਨ ਵਿਅਕਤੀ ਨੂੰ ਆਰਥਿਕ ਹਾਨੀ ਹੁੰਦੀ ਹੈ। ਉਸਦੀ ਸਿਹਤ ਵਿਚ ਵਿਗਾੜ ਪੈਦਾ ਹੁੰਦੇ ਹਨ। ਫੇਫੜਿਆਂ, ਦਿਲ, ਸਾਹ, ਕਿਡਨੀ ਆਦਿ ਦੇ ਰੋਗ ਬਣਦੇ ਹਨ।
6. ਗੁਰੂ ਦੋਸ਼ ਕਾਰਨ ਸੁਭਾਅ ਵਿਚ ਖਰਵਾਪਣ ਪੈਦਾ ਹੁੰਦਾ ਹੈ ਤੇ ਲੋਕਾਂ ਨਾਲ ਮਨ ਮਟਾਵ ਹੋਇਆ ਰਹਿੰਦਾ ਹੈ। ਇਸ ਕਾਰਨ ਦੋਸਤਾਂ ਦੀ ਕਮੀ ਤੇ ਵਿਰੋਧੀਆਂ ਵਿਚ ਵਾਧਾ ਹੁੰਦਾ ਹੈ।

ਗੁਰੂ ਦੋਸ਼ ਤੋਂ ਬਚਣ ਦੇ ਉਪਾਅ

1. ਗੁਰੂ ਦੋਸ਼ ਤੋਂ ਬਚਣ ਦਾ ਸਭ ਤੋਂ ਕਾਰਗਰ ਉਪਾਅ ਹੈ ਕਿ ਵਿਅਕਤੀ ਨੂੰ ਗੁਰੂਵਾਰ ਯਾਨੀ ਵੀਰਵਾਰ ਦਾ ਵ੍ਰਤ ਰੱਖਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਭਗਵਾਨ ਵਿਸ਼ਨੂੰ ਤੇ ਦੇਵ ਗ੍ਰਹਿ ਬ੍ਰਹਿਸਪਤੀ ਪੂਜਾ ਕਰਨੀ ਚਾਹੀਦੀ ਹੈ।
2. ਪੀਲਾ ਰੰਗ ਬ੍ਰਹਿਸਪਤੀ ਗ੍ਰਹਿ ਨਾਲ ਸੰਬੰਧਿਤ ਹੈ। ਇਸ ਲਈ ਗੁਰੂ ਗ੍ਰਹਿ ਦੇ ਮਾੜੇ ਪ੍ਰਭਾਵਾਂ ਨੂੰ ਘਟਾਉਣ ਲਈ ਵੀਰਵਾਰ ਦੇ ਦਿਨ ਹਲਦੀ, ਚਨਾ ਦਾਲ, ਕੇਸਰ, ਪੀਲੇ ਕੱਪੜੇ, ਪਿੱਤਲ ਆਦਿ ਦਾ ਦਾਨ ਦੇਣਾ ਚਾਹੀਦਾ ਹੈ ਤੇ ਪੀਲੇ ਰੰਗ ਦੇ ਕੱਪੜੇ ਪਹਿਨਣੇ ਚਾਹੀਦੇ ਹਨ।
3. ਗੁਰੂ ਦੋਸ਼ ਤੋਂ ਬਚਣ ਦਾ ਇਕ ਹੋਰ ਤਰੀਕਾ ਹੈ ਕਿ ਆਪਣੇ ਬਜ਼ੁਰਗਾਂ ਦਾ ਸਤਿਕਾਰ ਕਰੋ। ਆਪਣੇ ਵੱਡਿਆਂ ਅਤੇ ਗੁਰੂ ਜਨਾਂ ਦੇ ਪੈਰੀਂ ਹੱਥ ਲਾ ਕੇ ਉਹਨਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰੋ।
4. ਗੁਰੂ ਗ੍ਰਹਿ ਦਾ ਬੀਜ ਮੰਤਰ ਜਪਣ ਨਾਲ ਵੀ ਗੁਰੂ ਗ੍ਰਹਿ ਦਾ ਦੋਸ਼ ਘਟਦਾ ਹੈ। ਇਹ ਬੀਜ ਮੰਤਰ “ਓਮ ਬ੍ਰਹਮ ਬ੍ਰਹਸਪਤੇ ਨਮਯ” ਹੈ। ਵੀਰਵਾਰ ਦੇ ਦਿਨ ਇਸ ਮੰਤਰ ਦਾ 108 ਵਾਰ ਜਾਪ ਕਰੋ।